BEŞ BEYİT -5-

Demlendi bâd-ı subh ile eşcâr-ı ergevân

Uydı usûl-i devr-i güle savt-ı cûybâr                    (Nevi)

 

Meşk istemezse mutrib-i hâmem yâre derdimi
Bî-perde her terâneye dem-sâzdır sözüm        (Nef'i)

 

Hemîşe bezm-i tarabda nedür bu tavr-ı aceb
Ki gulgul itse sürâhî kadeh olur rakkâs            (Helaki)

 

Feryâdı dem-be-dem n’ola olsa girih girih

Üstâd-ı ışk nây-ı dile perde bağlamış                 (Nazim)

Ben kara toprak olup geçdükçe kabrümden sabâ

Toprağım yer yer hevâ-yı yâr ile ide semâ           (Aşki)

BEŞ BEYİT -4-

Bir cevan-ı bi-bedel gördüm bugün hammamda
Zerrece noksanı yokdur cümleten endamda       (Adli)
 

Hatt u lebün ki Hızr u Mesiha nişanıdur

Ben hastenün biri eceli biri canıdır                      (Kami)

 

Gem değül bi-hal olursa hüsnün evrakında hat

Resmdür ariflere name yazarlar bi-nukat           (Ahmed Paşa)

Öpdiler sâzun kimin kimisini okşadılar

Kimisin ber-dûş kinini der-âgûş itdiler                (Zaifi)

Sûretâ tahfîf iden ma’nâda ağırlar bizi

Tınmazuz nâ-sâz usûlüne celâcil olmazuz          (Taşlıcalı Yahya)